ریاض۔ 08ستمبر (اے پی پی) سعودی عرب وزارت حج و عمرہ زائر آتا ہڑدے ئی کچءِ ودفسا 70ہزار اسکان کرینے۔ عرب میڈیا نا رداٹ سعوی وزارت حج وعمرہ تینا بیان اٹی پارینے کہ عمرہ موکل نامہ ہر 15دے آن پد جاری کرفنگ مریک وخت اس کہ مسجد نبوی ٹی روضہ شریف نا موکل نامہ 1تُوآن پد ہی جاری مریک۔ وزارت حج وعمرہ پارت کرینے کہ 15دے آن مست عمرہ یا مسجد الحرام اٹی نماز و 1تُو آن مست روضہ شریفہ ٹی نماز یا مسجد نبوی نا زیار ت نا موکل نامہ جاری مننگ کپک۔ وزارت نا پاننگ ءِ کہ اعتمرناایپ انا کمک اٹ اسہ وخت اٹی 1آن زیات موکل نامہ جاری مفک اسہ عمرہ کن اسہ موکل نامہ غان ایلو موکل نامہ نا نیام اٹ 15دے انا وقفہ المی ءِ۔ یات سلے کہ عمرہ و نماز نا موکل نامہ ہندی شاری رہینگوک درملکی ووزٹ ویزا ہولڈر توکلنا ایپ اٹ اپ ڈیٹ آن پد جاری کرفنگ کیرہ۔
