بیجنگ۔ 07ستمبر (اے پی پی) چین پارینے کہ امریکہ اوغانستان نا بابت تینا ردینک آتیا بایدے سجفے و داکان ہلہلہ ئی پیش تمنگ آن پد زمواری اوغانستان نا ہمسایہ ملک و جہانی برادری آ شاغنگ نا جاگہ غا ملک اٹی امن نا قیام و پوسکن تفنگ کن تینا زمواری تے سنبھالے۔ چینی ریڈیو نا رداٹ وائٹ ہاؤس نا ترجمان تینا ساڑی آ بیان اٹی پارینے کہ چین و روس آن زیات اسٹ اس ہم خواپک کہ امریکہ اوغانستان اٹی رہینگے انتئے کہ داڑآن امریکہ نا وسیلہ غاتے ٹی کمتی بریک۔ چینی وزارت خارجہ نا ترجمان وانگ وین بین پریس کانفرنس اٹ دابابت سوج انا ورندی ءِ ترسا پارے کہ امریکہ نا تعلقدار بیان تینا جند انا نکتہ نظر آن ایلوفتے ہُننگ نا ڈیک ءِ، داتینا بے سہبی ءِ ڈکھنگ نا بہانہ اسے و داڑآن امریکہ نا بالادستی نا است خواہی ہم پاش مریک۔
