طالبان ءَ اوگانستان ءَ نوکیں ادارُکی حکومت ءِ جار جتگ، پاکستان ءَ چہ پینگ جنگ نہ بوھگ ءَ انت، بھتام آناں رد کناں، ذبیح اللہ مجاہد ءِ پریس کانفرنس

کابل۔7ستمبر  (اے پی پی):افغانستان ءَ طالبان ءَ ملا احمد  حسن اخواند ءِ ادارُکی مزن وزیر  نامینان ءَ نوکیں ادارُکی حکومت ءِ جوڑ کتگ ءُ ترجمان طالبان ذبیح اللہ مجاہد ءَ پاکستان ءَ چہ پینگ جنگ ءِ بھتام آناں سرجمیں رنگ ءَ رد کتگ ءُ  گوشتگ کہ پاکستان ءَ اچ کس پینگ نہ جنگ ءَ انت، اے ھوالگ ءَ بھتام ایوک ءَ  بٹاک انت ایشاناں ما رد کناں۔  سئے شمبے ءِ روچ ءَ ادا پریس کانفرنس ءَ اوگانستان ءِ نوکیں نگران حکومت ءِ جار جنان ءَ یک جستے ءِ پسو ءَ ذبیح اللہ مجاہد ءَ گوشت کہ بازیں   ھاٹیگ پاکستان ءُ  اوگانستان ءِ نیام ءَ   جنگ ءُ چوپ کنائینگ لوٹاں، پاکستان ءَ چہ  اچ رنگیں پینگ جنگ نہ بوھگ ءَ انت۔  پاکستان ءِ پینگ بٹاک انت  ایش گوستگیں 20 سال ءَ چہ اشکنگ بوھگ ءَ انت۔ ما  20 سال ءَ چہ اے ملک ءِ آجوئی ءِ واستہ جنگ کتگ ءُ اوگانستان ءُ ایشی ءِ  الس ءِ واستہ قربانی داتگ۔ آئی ءَ گوشت کہ نوکیں ادارُکی حکومت ءِ ججار  ءَ جنان ءَ محمد احسن اخوند مزن وزیر ءُ ملا عبدالغنی برادر  ءُ مولوی  عبدالسلام حنفی نائب مزن وزیر بنت۔ سئے شمبے ءَ پریس کانفرنس ءَ گوں گشتانک دیان ءَ  ترجمان طالبان ذبیح اللہ مجاہد ءَ اوگانستان ءِ نوکیں کابینہ ءِ جار ءَ جنان ءَ گوشت کہ ملا احمد حسن اوگانستان ءِ نوکیں حکومت ءِ سروک بیت۔ وھدیکہ  ملا عبدالغنی  برادر نائب سروک بیت۔  آئی ءَ گوشت کہ سراج حقانی  وزیر ءِ تہی کار،  ملا ہدایت اللہ وزیر مالیات، ملا خیر اللہ وزیر اھوالکاری ءُ دود ءُ ربیدگ، حاجی عیسیٰ وزیر پٹرولیم  بنت انت وھدیکہ مولوی محمد یعقوب مجاہد وزیر ءِ دیمپانی ، ملا امیر خان متقی وزیر ءِ درئی کار بنت انت۔۔ ذبیح اللہ مجاہد ءَ گوشت کہ قاری دین محمد حنیف وزیر ءِ اقتصادی کار ،  شیخ مولوی نور اللہ وزیر ءِ معارف ءُ شیخ مولوی نور محمد ثاقب وزیر ءِ حج ءُ اوقاف، نجیب اللہ حقانی وزیر ءِ رسانک، حاجی خلیل الرحمان حقانی وزیر ءِ  مہاجرین، ملا عبدالطیف منصور وزیر ءِ آپ ءُ بجلی، ملا عبدالباقی وزیر ءِ وانگ ءُ زانگ، ملا حمید اللہ اخوانزادہ وزیر ءِ ٹرانسپورٹیشن ءُ بالیگ، شیخ محمد خاد وزیر ءِ   امربالمعروف، ملا عبدالمعنان عمری  وزیر ءِ گہبود، ملا نور اللہ نوری سیم سر ءُ قبائلی کار  ءِ وزیر بیت انت۔ آئی ءَ گوشت کہ قاری فصیح الدین اوگانستان ءِ آرمی چیف بیت وھدیکہ مولوی محمد  عبدالحکیم اوگان  ھک رسانی ءِ سروک بیت، ملا عبدالحق وثیق این ڈی ایس ءِ سروک بیت۔ ترجمان طالبان ءَ گوشت کہ نوکیں انتظامیہ ادارُکی  ات  ،  ایش رندتر مٹ ءُ بدل بوت کن انت۔  آئی  ءَ گوشت کہ پنچ شیر ءَ دوئیں نیمگ ءَ ھون ریچی بوتگ، پنچ شیر ءَ  استیں آوار جنوک آنی ھلاپ ءَ اردی   ھاٹیگ کارمرز کتگ آھودے الس آناں راج ءِ گوما ھمگام کنگی انت، پنچ شیر ءَ ایمنی برجا  بوتگ۔  آئی ءَ گوشت کہ حکومت ءِ جوڑیشت ءَ  رنگ ءُ نسل ءَ را یک کر کنگ بوتگ۔   آئی ءَ گوشت کہ نوکیں حکومت  کجام یک  ٹولیگ ایگ نہ انت بلکینگ ءَ ایش سرجمیں اوگانستان ءِ  سروک انت۔  آئی ءَ گوشت کہ ما 20 سال ءَ چہ اے ملک ءِ آجوئی ءِ واستہ جنگ کتگ ءُ اوگانستان ءُ ایشی ءِ الس  ءِ واستہ قربانی داتگ اَنت۔