لندن۔ 07ستمبر (اے پی پی) یانزدہ ستمبر 2001آن پد آن دے ٹک نیامی و افریقی ملک آتے ٹی امریکہ نا کماشی ٹی نیٹونا فضائی جلہو آتے ٹی 22ہزار آن 48ہزار نا نیام اٹ لس شاریک خلنگار۔ داہیت انا انکشاف ءِ برطانوی ادارہ ایئر وارز تینا رپورٹ اٹی کرینے۔ رپورٹ نا رداٹ تدوک آ 2عشرہ ٹی ہراتم نیویارک و واشنگٹن ڈی سی ٹی جلہو آتیان پد امریکی سرکڑدہ دہشت گردی نا برخلاف جنگ انا بناءِ کرے تو امریک کارروائی تیٹی کم از کم 22ہزار 679و زیات آن زیات 48ہزار 308شاری خلنگار۔ ایئر وارز نا پاننگ ءِ کہ امریکی و نیٹو نا فضائی جلہو آتے ٹی خلنگوک آ شاری تا گیشتری نا تعلق اوغانستان، عراق، شام، لیبیا، صومالیہ و یمن آن ءِ۔
