کابل۔03اپریل ( اے پی پی) اوگانستان ئَ تشدد ئِ وئیلاں ئَ 4انٹیلی جنس ہلکارآں ھوار 68مردم بیران بوتگ اَنت۔ اوگان ھال در ئِ ردئَ حکامئَ ھال داتگ کہ ارزگان ئِ دمگ ترین کوٹ ءُ کشءُکرءُ دمگاں یک ھپتگے ئَ چہ جاری آپریشن ئِ تہا کم چہ کم 54طالبان بیرانءُ 32ءَ چہ گیش مردم ٹپیگ بوتگ اَنت۔ حکام ئَ گشتگ کہ اے وھدئَ طالبان ئَ را پروش دیئگ بوتگ ءُ نوں آپریشن گیش کنگ بوھگئَ اِنت۔ غزنی ئَ طالبان ئِ اُرش ئَ 4انٹیلی جنس اہلکاربیران بوتگ اَنت۔ حکام ئَ گشتگ کہ اے اہلکار ضلع اندار ئَ یک اُرشے ئِ وھدئَ بیران بوتگ اَنت۔ شمالی صوبہ تخارئَ یک جھڑپے ئِ تہا کم چہ کم 10طالبان ئِ بیرانی ئِ تصدیق کنگ بوتگ۔ ھندی حکام ئَ ھال داتگ کہ ضلع درقار ئَ سیکیورٹی فورس آں طالبان ئِ ھلاپ ئَ کاروائی کتگ ءُ اے وھدئَ 10طالبان جنگءُ کُشگ بو تگ اَنت۔
