لندن۔ 01ستمبر (اے پی پی) برطانوی حکومت نا اوغانستان آن پیش تمنگ نا وخت آ پدی سلوک آ برطانوی و سیوتی فوج آتون کاریم کروک آ اوغان شاری تا رکھ پیش تمنگ آ طالبان آتون ہیت وگپ برجاءِ۔ فرانسیسی خبررساں ادارہ نارداٹ برطانوی حکومت نا ترجمان چارشنبے نادے آ اسہ بیان اسے ٹی پک کرینے کہ دوحہ ٹی طالبان نمائندہ غاتون گپ وتران کن سینئر آفیسر و سفارتکار سائمن گاس ءِ برطانوی نمائندہ پن کننگانے۔ برطانوی نمائندہ سائمن گاس اوغانستان اٹی برطانوی فوج اتون کاریم کروک آ اوغان و برطانوی شاری تا رکھ پیش تمنگ نا معاملہ غا طالبان تتون اوڑدہی کننگ ءِ۔ اوغانستان آن پیش تمنگ آن پد برطانیہ و طالبان تا نیام اٹ مروک آ دا اولیکو اعلانیہ گپ وتران ءِ۔
