ننا ملک پورو آجوئی دوئی کرینے، اللہ نا شکر ءِ اداکینہ، و غٹ اوغان ایلم تے مبارکبادی ایتنہ، طالبان مذاکراتی ٹیم انا باسک سہیل شاہین نا ٹویٹ

کابل۔ 31اگست (اے پی پی) اوغان طالبان نا مذاکراتی ٹیم انا باسک و جہانی میڈیا کن ترجمان سہیل شاہین پارینے کہ دوشنبے و سے شنبے نا نیم نن آخیری امریکی فوجی اوغانستان آن پدی ہنانے اوکان پد ننا ملک پورو آجوئی دوئی کرینے ہراڑآ نن اللہ نا شکر ءِ اداکینہ و غٹ اوغان ایلم تے مبارکبادی ایتنہ۔ تینا ٹویٹ آتے ٹی سہیل شاہین مستی پارے کہ طالبان تا پولیٹکل آفس نا نائب سروک شیر محمد عباس ستانکزئی دوحہ ٹی اوغانستان کن کینیڈا نا مندوب ڈیوڈ ولیم سپراؤل تون اوڑدہی کرینے ہراٹی اوغانستان نا حالیت و کابل بالی پٹ انا بابت امور آگپ و تران کننگانے۔ سہیل شاہین مستی پارے کہ انٹرنیشنل انرجی ایجنسی نا ڈل اتون ہم اوڑدہی مسنے ہراٹی چندی امور آ ایجنسی نا موقف و پالیسی نا وضاحت کننگانے۔