واشنگٹن۔ 31اگست (اے پی پی) امریکی صدر جوبائیڈن اوغانستان آن 20سال آن پد امریکہ نا پیش تمنگ پورو مننگ آ سے شنبے نادے آ قوم آن تران کیک۔ فرانسیسی خبررساں ادارہ نا رداٹ اوتدوک آ دے کابل ایئر پورٹ آن آخیریکو امریکی جہاز انا روانہ مننگ آن پد پڑو کرسا پارینے کہ او اوغانستان آن 31اگست اسکان امریکی فوج انا پیش تمنگ نا مد اٹ ودکی کپننگ نا بابت کروک آ فیصلہ غاتا بابت سے شنبے نادے آ قوم آن تران کیک۔ اوامریکی فوج، سفارتکار و امریکی، جہانی فوج اتون کاریم کروک آ ہزار آ اوغان سیوتی تا پیش تمنگ ءِ عملی دروشم اس تننگ آ فوج انا ستاءِ کرسا پارینے کہ امریکی فوج تدوک آ 17دے آن امریکی تاریخ نا غٹ آن زیات جہاز چلیفینو ہرافتا کمک اٹ اسہ لکھ 20ہزار امریکی، سیوتی ملک آتا شاری، و امریکہ نا اوغان سیوتی تے کشنگانے اوکان پد اوغانستان اٹی امریکی فوج انا اڈکننگ تینا ایسر آ سرمسنے۔
