آخیریکو امریکی جہاز انا روانہ مننگ آن پد طالبان تا کابل ایئرپورٹ آ شکر انا سجدہ اس اداکننگ نا ویڈیو وائرل، مسیت آتیان اللہ اکبر نا نعرہ

کابل۔ 31اگست (اے پی پی) اوغانستان نا دارالحکومت کابل نا ایئرپورٹ آن امریکی فوج انا پیش تمنگ پورو مننگ و آخیریکو جہاز انا روانہ مننگ آن پد طالبان تا سجدہ شکر ادا کننگ نا ویڈیو سوشل میڈیا غا وائرل مس۔ ویڈیو ٹی ہُننگ مریک کہ کابل ایئرپورٹ آن آخیریکو امریکی جہاز انا ٹیک آف نا دمدستی پد طالبانک سجدہ شکر اس ادا کننگ ءُ و امریکی و نیٹو فوج انا اوغانستان آن 19سال 8تُو پد پدی ہِننگ آ اسہ ایلو ءِ مبارکبادی ترسا خننگ انگانو۔ کابل ایئرپورٹ آ جشن انا سماں ءِ۔ داوخت آ کابل نا مسیت آتیان طالبان تا سرسہبی و امریکی شکست نا پڑوآتون ”نعرہ تکبیر، اللہ اکبر“ و ”سبیلنا سبیلنا الجہاد الجہاد“ نا نعرہ خلنگا ہرافتا ایئرپورٹ آ ساڑی مخلوق پرجوش وڑاٹ ورندی ءِ تسر۔