کابل ۔24اگست (اے پی پی):طالبان ءِ ترجمان ذبیح اللہ مجاہد ءَ گوشت کہ گیر ملکی فوجی آنی در کنگ ءِ ڈیڈ لائن ءَ اچ گیشی نہ بیت، امریکہ ءُ ایندگر گیر ملککی فوج وتی کتگیں سوگند آنی رد ءَ گیشینتگیں وھد ءُ پاس ءَ اوگانستان ءَ چہ در بیا انت، امریکی فوج ءِ 31 اگست ءَ تاں در کپگ سرجم بوھگ ءِ رد ءَ وتی نوکیں کار رپک ءِ جار ءَ جناں، آئی ءَ گوشت کہ لوٹاں حکومت ءِ جوڑیشت ءِ کار سرجم بہ بیت اے رد ءَ سیاسی شور ءُ مشور سرجم انت، امیت انت کہ پنج شیر ءِ جیڈھ ھم گپ ءُ تران ءِ وسیلگ ءَ گیوار بوھگ ءِ واستہ کوشست کنگ ءَ آں، توامیں اوگان شہری آنی واستہ “عام معافی” ءِ جار جنگ بوتگ، امیت انت کہ پنج شیر ءِ جیڈھ ھم گپ ءُ تران ءِ سر ءَ گیواری کنگ بہ بیت ءُ جنگ ءِ نوبت مہ ائیت۔ کابل ائیر پورٹ ءِ کشک لس شہری الس ءِ واستہ بند انت، ایوک ءَ در ملکی ائیر پورٹ ءَ شت کناں، کشاں چیل ءَ چہ وت ءَ بہ رکھین اِت، اوگان الس ملک ءَ بہ نند انت ملکی دیمروئی ءَ کمک بکن انت، بینک ، وانگ ءُ زانگی دانش گاہ وتی کار ءَ انت، سرکاری ٹی وی ءُ ریڈیو ءِ شنگ ءُ تالانی پروگرام یک شل ءَ چلگ ءَ انت۔ توامیں سفارتخانہ محفوظ انت، گیر ملکی سفارتخانہ آناں سرجمیں سیکورٹی ءَ را دل یکیمی جوڑ کنگ بوتگ۔ اگانستان ءِ سرڈگار ءَ را گیش اچ ملک ءِ ھلاپ ءَ کارمرز کن نہ بیت، ملک ءَ اچ رنگ ءَ بنی آدمی ھک آناں لگت مال کنگ نہ بیت۔ اے ھیالانی درشانی آئی ءَ سئے شمبے ءِ روچ ءَ اوگان دارالحکومت ءَ پریس کانفرنس ءَ گوں گشتانک دیانءَ کت۔ آئی ءَ گوشت کہ انوں زوتاں اچ رنگیں جنگ ءُ چوپ ، کشت ءُ ھون ءِ واکیہ دیم ءَ سہرا نہ بوتگ، کابل ءَ ھوار سرجمیں ملک ءِ اچ بھر ءَ لٹ ءُ کُٹ ءِ اچ واکیہ دیم ءَ سہرا نہ بوتگ ایش وشیں گپ ات۔ آئی ءَ گوشت کہ سیاسی شور ءُ مشور ءِ کار کامیاتی ءَ گوں جاڑی انت۔ ما لوٹاں کہ حکومت ءِ جوڑ کنگ ءِ کار زوت سرجم بہ بیت۔ آئی ءَ گوشت کہ الس وتی ملک ءَ بہ نند انت، اوگان الس ملک ءَ چہ ڈن روگ ءِ مٹ ءَ اوگانستان ءَ بہ نند انت ءُ ملکی دیمروئی ءَ کمک بکن انت۔ آئی ءَ گوشت کہ بینک، وانگ جاہ ءُ ہسپتال وتی کار ءَ انت ملک ءُ الس ءِ ازمت ءَ کنوکیں ادارگ آناں برجا کنگ ءَ آں۔ توامیں بینک آں آزاتی ءِ گوما کار کنگ بندات کتگ۔ مردم وتی زراں چہ بینک ءَ کشت ءُ مان کت کناں، آئی ءَ گوشت کہ توامیں ہسپتال سرجمیں رنگ ءَ برجا انت، مریض آنی علاج بوھگ ءَ انت، کابل ءَ ھوار توامیں ایندگر دمگ آنی کارندہ مریض آنی علاج ءَ کنگ ءَ انت۔ آئی ءَ گوشت کہ سرجمیں ملک ءَ دانشگاہ پچ انت۔ نودربر اسکول ءَ روگ ءَ انت۔ آئی ءَ گوشت کہ ملا عبدالغنی برادر ءِ گوما آئی اے چیف ءِ گند ءُ نند ءِ بابت ءَ طالبان ءِ ترجمان ءَ گوشت کہ آئی ءَ را اے گند ءُ نند ءِ بابت ءَ زانت ءُ سرپدی نہ بوتگ پدا ھم مئے ٹوھیں سروک آں امریکی کارندہ آنی گوما گند ءُ نند کتگ ءُ آوانی گوما گیر ملکی فوج ءِ در کنگ ءِ ڈیڈ لائن، ائیر پورٹ ءِ سیکورٹی ءُ سفارتی یکوئی آناں گہتر کنگ ءِ ھوالگ ءَ گپ ءُ تران کتگ۔
