سعودی عرب نا سیکورٹی فورس آتا ملک انا دے ٹکی علاقہ ٹی کارروائی، اِرا دہشت گرد تپاخت، چار دزگیر

جدہ۔ 02اپریل (اے پی پی) سعودی عرب نا سیکورٹی فورس آک ملک انا دے ٹکی علاقہ ٹی اسہ کارروائی اسے ٹی اِرا دہشت گرد آتے تپاخت و چار ئِ دزگیر کننگ نا داوا کرینو۔ سعودی اخبار وزارت داخلہ نا ترجمان نا بابت تینا اسہ رپورٹ اسے ٹی پارینے کہ تدوک آ دے سیکورٹی فورس آک عوامیہ نا علاقہ ٹی اسہ ٹھکانہ سے آ چھاپہ خلکر ہراڑے مبینہ وڑاٹ دہشت گردی نا کارروائی تا ڈٹ بندی مسکہ و اودے دہشت گردآک استعمال کریرہ۔ ترجمان میجر جنرل منصور الترکی پارے کہ داوخت آ جنگ اٹی اِر ادہشت گرد تپاخت و چار ئِ دزگیر کننگا۔ کارروائی تیٹی سلہہ و گولہ بارود دوئی کننگ نا ہم داوا کننگانے۔