واشنگٹن۔ 24اگست (اے پی پی) امریکی صدر جوبائیڈن سویلی ریاست ٹینیسی نا نوکاپ زہمی تیکن مالی امداد نا منظوری ءِ تسنے۔ فرانسیسی خبررساں ادارہ نا رداٹ امریکی نیشنل ویدر سروس نا ترجمان میڈیا تون گپ وتران کرسا پارے کہ داگام آن ریاست ٹینیسی نا ہمفریز کاؤنٹی نا نوکاپ آن زہمی مروک آ بندغ آک ہم مالی امداد آن فائدہ ہرفنگ کیرہ۔ امریکی کمامدارآتارداٹ ہنکینی تا مالی امداد نا مد اٹی عارضی ہنکین تا جوڑ کننگ، زہمی اُراتا جوڑجاڑ و بجلی نا بند مننگ نا بحالی تون اوار اوار غیر بیمہ مروک ملکیت آتا نسخان تے پورو کننگ آن بیدس کم خڑچ والا وام ہم اوار ءِ۔ یات سلے کہ تدوک آ ہفتہ ریاست ٹینیسی ٹی ترند پِر انا سوب آن خلقی آ سڑک، ریاستی شاہراہ، پول، سد آ اُراتے بھاز نسخان و بھلو کچ اسے آ بجلی نا بند مننگ و ہزار آ بندغ آک زہمی مننگ تون اوار اوار کیہی بندغ آک زوال و ٹھپی مسوسر۔
