لندن۔ 23اگست (اے پی پی) جی۔7ملک آتا سروک آتا اوغانستان نا حالیت آتیا گپ وتران کن ورچوئل دیوان 24اگست(سے شنبے نادے) آ مریک۔ برطانوی خبررساں ادارہ نا رداٹ دیوان نا مسخت اوغانستان نا حالیت و امریکی شاری و سیوتی تا پیش تمنگ آ گپ وتران کننگ ءِ۔ امریکہ، فرانس، جرمنی، اٹلی، کینیڈا، جاپان و برطانیہ غا تالان جی۔ 7ملک آتا دیوان نا کماشی ءِ برطانوی وزیراعظم بورس جانسن کیک۔ برطانوی وزیراعظم بورس جانسن تدوک آدے تینا اسہ ٹویٹ اسے ٹی پارینے کہ دابھاز المی ءِ کہ جہانی برادری رکھ انخلاءِ پک کننگ، انسانی تنکی آن بچنگ و تدوک آ 20سال اٹی دوئی مروک آ سرسہبی تا رکھ اکن اوغان الس نا کمک کن اواری اٹ کاریم کے۔
