واشنگٹن۔ 23اگست)(اے پی پی) امریکی صدر جوبائیڈن پارینے کہ او اوغانستان آن 31اگست نا تخوک آ ڈیڈلائن اسکان پیش تمنگ نا ڈٹ ءِ گڈیکو دروشم اس تننگ ءِ ولے اگہ ضرورت تما تو پیش تمنگ نا ڈیڈلائن اٹی ودکی ہم کننگ کینہ۔ فرانسیسی خبررساں ادارہ نا رداٹ اوتدوک آ دے وائٹ ہاؤس آن ٹیلی ویژن آ تینا تران اٹی پارے کہ اودے اومیت ءِ کہ اوغانستان آن پیش تمنگ نا ڈیڈلائن اٹی ودکی کپک ولے اگہ درملکی راہشون تا کنڈآن ڈیڈلائن اٹی ودکی نا خواست کننگاتو اوڑکن نن ہرنہ کہ نن انت اس کننگ کینہ۔ امریکی صدر پارے کہ اوغانستان آن امریکی و اوغان سیوتی تا پیش تمنگ مشکل ءِ و اوداپیش تمنگ نا بابت پروگرام اٹی گڑاس بدلی کرینے ہرافتا مسخت پیش تمنگ اٹی مخلوق نا رکھ ءِ پک کننگ ءِ۔
