دے ٹکی اوغانستان اٹی کاربمب دھماکہ ٹی اوغان نیشنل آرمی نا مسہ کارندہ تپاخت، شش طالب علم ٹھپی، غزنی ٹی فضائی جلہو آتیٹی کم از کم 11درملکی تا تپاخت کننگ نا داوا

کابل۔ 02اپریل (اے پی پی) دے ٹکی اوغانستان اٹی کاربمب دھماکہ ٹی اوغان نیشنل آرمی نا مسہ کارندہ تپاخت و شش طالب علم ٹھپی مسنو، غزنی ٹی فضائی جلہو آتیٹی کم از کم 11درملکی تا تپاخت کننگ نا داوا کننگانے۔ اوغان میڈیا نا رداٹ کمکامدار آک پاریر کہ یک شنبے نا دے خوست اٹی کاربمب دھماکہ ٹی اوغان نیشنل آرمی نا مسہ کارندہ تپاخت و چندی ایلوک ٹھپی مسنو۔ ٹھپی تیٹی اسکول آتا چندی طالب علم آک اوار ئُ۔ صوبائی گورنر نا ترجمان پارے کہ دھماکہ دوماند نا علاقہ ٹی مسنے و ٹھپی تیٹی اسکول آتا کم از کم شش طالب علم ٹھپی مسنو۔ داوخت اسکان ہچئُ رڑ یا تنظیم اس دا جلہو نا زمواری ئِ امنا کتنو۔ صوبہ غزنی ٹی فضائی جلہو آتیٹی کم از کم 11 درملکی تا تپاخت کننگ نا داوا کننگانے۔ کمامدارآک پاریر کہ دا جلہو گیلان و نواضلع ٹی کننگار ہرافتے ٹی کم از کم 11 درملکی تپاخت کریر۔