سرینگر۔ 01اپریل (اے پی پی) مقبوضہ کشمیر اٹی میر واعظ عمر فاروق نا سروکی ٹی اڈ تروک فورم پارینے کہ مقبوضہ علاقہ ئِ عملاََ اسہ جیل خانہ اسے ٹی بدل کننگانے ہراڑے حق انا ہیت ئِ پاننگ و بیدادی نا برخلاف توار چست کروک آ تیا سم تا برسات کننگک۔ کشمیر میڈیا سروس نا رداٹ میر واعظ فورم نا ترجمان سرینگر اٹی جاری اسہ بیان اسے ٹی پارینے کہ میر واعظ عمر فاروق ئِ اُراٹی نظر بند کرسا پدریسہ چار میکو وار جمعہ نا نماز ئِ خواننگ آن توننگا۔ اوپارے کہ کٹھ پتلی انتظامیہ بھارتی پارلیمنٹ نا نام نہاد ضمنی گچین کاری تا اڈتننگ کن حریت سروک نا غیر کانودی نظر بندی نا چرجوئی ئِ ترند کرینے وخت اس کہ ورناتے دزگیر کرسا کرسا تھانہ، جیل و جاست وپاستی بنجا تیا سرکننگ انگ ئِ۔
