دمشق۔ 01اپریل (اے پی پی) اینخو تُو انا نیام اٹی شام انا دارالحکومت دمشق اٹی اسہ عدالت اسے نا ماڑی و اسہ ریسٹورنٹ اسے ٹی خودکش جلہو آتا زمواری ئِ جہادی رڑ داعش امنا کرینے۔ داجلہوآتیٹی 32بندغ تپاخت کریسر۔ شام اٹی باغی رڑتا کنڈآن داجلہو آتا مذمت ئِ کننگاسس۔ داعش نا موقف پیش کروک جریدے النبانا تازہ انگا اشاعت اٹی اسہ سیکورٹی ذریعہ اسے نا بابت پاننگانے کہ اول خود کش جلہوگیر شار انا اسہ عدالت اسے ٹی پترینگسا خودکش دھماکہ آن مست سم کاری کریسس۔ داعش نا میگزین نا رداٹ اسہ پین خودکش بمبار اس تینے اسہ ریسٹورنٹ اسے ٹی دھماکہ اٹ ترخفیسس۔ مارچ 2011 آن شام اٹی جنگ انا بناءمننگ آن پد داوخت اسکان 32000,بندغ تپاخت کرینو۔
