جدہ۔ 28جولائی (اے پی پی) اسلامی کمکار تنظیم(او آئی سی) نا سیکرٹری جنرل ڈاکٹر یوسف العثیمین پارینے کہ تیونس اٹی امن و سوگوی خوانہ۔ سعودی عرب نا سرکاری خبررساں ایجنسی نا رداٹ او آئی سی نا سیکرٹری جنرل تیونس نا وزیر خارجہ عثمان الجرندی تون ٹیل فون آ رابطہ کرینے۔ داوخت آ اوفک تیونس نا سیاسی حالیت آتیا گپ وتران کریر۔ اوپارے کہ تیونس نا الس نا پورو مخ تفی ءِ کینہ، است خواہی ءِ کہ تیونس ساڑی آ ریسہ ءِ ترندی اٹ عبور کے و ہموڑے امن و سوگوی بحال مرے و تیونسی الس نا است خواہیک پورو مریر۔
