اسلام آباد۔ 27جولائی (اے پی پی) وزیراعظم نا خصوصی کمکار قومی جان جوڑی ڈاکٹر فیصل سلطان پارینے کہ ملک اٹ دینی مرض آتا توننگ نا بابت حکومت اہم گام گیج کننگ ءِ، جان جوڑی نا بشخ اٹی اصلاحات کننگ انگ ءِ۔ داخیال آتا درشانی ءِ او قومی ادارہ جان جوڑی ٹی سینٹر فار ڈیزیز کنٹرول نا بناءِ کرسا کرے۔ اوپارے کہ ملک اٹی دینی مرض آتا توننگ نا بابت حکومت نا اہم گام ءِ۔ دا کورونا و ایلو متعدی مرض آتا تالانی نا رداٹ بے کچ وخت آ گام گیج اسے۔ سی ڈی سی پاکستان مرض آتا پدریسہ چاروکی ءِ کیک۔ ڈاکٹر فیصل سلطان پارے کہ ناجوڑی تا توننگ کن غٹ تعلقدار ادارہ غاتے کمک فراوان کیک۔ اوپارے کہ جان جوڑی نا بشخ اٹی اصلاحات کننگ انگ ءِ۔ داوخت آ گپ وتران کرسا ایگزیکٹیو ڈائریکٹر این آئی ایچ میجر جنرل عامر اکرام پارے کہ سی ڈی سی پاکستان قومی ادارہ جان جوڑی ٹی جوڑ کننگانے۔ اوپارے کہ دا ہند قومی ادارہ جان جوڑی ٹی اصلاحاتی ایجنڈا و پدریسہ گچینی اتنگ نا کوشست آتا بشخ اسے۔ میجر جنرل عامر اکرام پارے کہ سی ڈی سی پاکستان ءِ جہانی آب انا رداٹ جوڑ کیک۔ اوپارے کہ قومی ادارہ جان جوڑی کورونا نا دین اٹی ہراول دستہ نا کڑد ءِ ادا کرینے۔
