اسلام آباد۔ 27جولائی (اے پی پی) تدوک آ بیست ءُ چار گھنٹہ ٹی کورونا دین انا سوب آن پنجاب آن پد سندھ اٹی غٹ آن زیات مرک ریکارڈ کننگا۔ مچ آ ملک اٹی تدوک آ بیست ءُ چار گھنٹہ ٹی کورونا دین آن 39مرک مس ہرافتیان 17مرک وینٹی لیٹرآتیا ساڑی ناجوڑ آتا ئسر۔ نیشنل کمانڈ اینڈ آپریشن سینٹر نا کنڈآن جاری حساب وکتاب نا رداٹ تدوک آ 24گھنٹہ ٹی مچ آ ملک اٹی 3ہزار 262بندغ آتا کوویڈ۔ 19ٹیسٹ مثبت بس۔ ملک انا 4بھلا شار تے ٹی وینٹی لیٹر آتیا کوویڈ۔ 19نا ناجوڑ آتا کچ انا لحاظ اٹ ملتان اٹی 15درسد، پشاور اٹی 18درسد، لاہور اٹی 20درسد واسلام آباد اٹی 34درسد ناجوڑ ءُ۔ ہنداوڑاٹ ملک انا چار بھلا شارتے ٹی آکسیجن نا آسراتی والا کٹ آتیا کورونا نا مثبت کیس آتا کچ انا لحاظ اٹ راولپنڈی ٹی 24درسد، کراچی ٹی 48درسد، اسلام آباد اٹی 25درسد و گلگت اٹی 44درسد ناجوڑ ءُ۔ تدوک آ 24گھنٹہ ٹی کوویڈ۔ 19نا 49ہزار 412ٹیسٹ کننگا ہرافتیان سندھ اٹی 16ہزار 975، پنجاب اٹی 18ہزار 432، خیبرپختونخواٹی 7ہزار 802، اسلام آباد اٹی 2ہزار 390، بلوچستان اٹی 2ہزار 393، گلگت بلتستان اٹی 727، آزاد کشمیراٹی 693ٹیسٹ اوار ءُ۔ داتم اسکان مچ آ ملک اٹی کوویڈ۔ 19آن دراخ جوڑ مروک آتا کچ 9لکھ 28ہزار 722مسنے۔ بلوچستان اٹی کوویڈ۔ 19نا اسہ ناجوڑ اس ہم داوخت آوینٹی لیٹر آ اف وخت اس کہ مچ آ ملک اٹی کوویڈ۔ 19کن جتا وینٹی لیٹرآتیا 276ناجوڑ ءُ۔ مچ آ ملک اٹی کوویڈ۔ 19نا ایکٹیو کیس آتا کچ 59ہزار 899ءِ۔ مچ آ ملک اٹی کورونا دین آن زہمی بندغ آتا کچ 10لکھ 11ہزار 708ءِ ہرافتیان آزاد کشمیر اٹی 23ہزار 203، بلوچستان اٹی 29ہزار 618، گلگت بلتستان اٹی 7ہزار 798، اسلام آباد اٹی 85ہزار 947، خیبرپختونخوا ٹی 1لکھ 42ہزار 139، پنجاب اٹی 3لکھ 53ہزار 695و سندھ اٹی 3لکھ 69ہزار 245ناجوڑ ءُ۔ مچ آ ملک اٹی کورونا دین آن زوال کروک آتا کچ 23ہزار 87مسنے۔ ہرافتیان سندھ اٹی 5ہزار 840مرک وخت اس کہ تدوک آ بیست ءُ چار گھنٹہ ٹی 4ناجوڑ ہسپتال آتے ٹی وخت اس کہ 3ناجوڑ اُراتے ٹی قرنطینہ ٹی دادین آن زوال کریر۔ پنجاب اٹی 10ہزار 964مرک وخت اس کہ تدوک آ بیست ءُ چار گھنٹہ ٹی 17ناجوڑ ہسپتال آتے ٹی وخت اس کہ 3ناجوڑ اُراتے ٹی قرنطینہ ٹی دادین آن زوال کریر، خیبرپختونخواٹی 4ہزار 423مرک وخت اس کہ تدوک آ بیست ءُ چار گھنٹہ ٹی 3ناجوڑ ہسپتال آتے ٹی دادین آن زوال کریر، اسلام آباد اٹی ککل 796مرک وخت اس کہ تدوک آ بیست ءُ چار گھنٹہ ٹی 3ناجوڑ ہسپتال آتے ٹی دادین آن زوال کریر، بلوچستان اٹی کل 326مرک وخت اس کہ تدوک آ بیست ءُ چار گھنٹہ ٹی اسہ ناجوڑ اس ہسپتال اٹی دادین آن زوال کرے، گلگت بلتستان اٹی 124مرک وخت اس کہ تدوک آ بیست ءُ چار گھنٹہ ٹی اسہ ناجوڑ اس ہسپتال اٹی دادین آن زوال کرے، آزاد کشمیر اٹی دادین آن 614مرک مسنے وخت اس کہ تدوک آ بیست ءُ چار گھنٹہ ٹی 4ناجوڑ ہسپتال آتے ٹی دادین آن زوال کریر۔ داتم اسکان مچ آ ملک اٹی کوویڈ۔ 19نا 1کروڑ 57لکھ 66ہزار 473ٹیسٹ کننگانے۔ مچ آ ملک اٹی کوویڈ۔ 19نا درمان کن جتا 639ہسپتال آتے ٹی 3ہزار 104ناجوڑ درمان مننگ ءُ۔
