اسلام آباد۔ 27جولائی (اے پی پی) بنجائی وزیر حوالکاری و شینکاری چوہدری فواد حسین کیپٹن محمد سرور شہید ءِ خراج عقیدت پیش کرسا پارینے کہ کیپٹن سرور شہید نا ناقابل تسخیر حوصلہ و بدل مفروک وفاداری ہمیشہ کن عزم و ہمت نا درور اس مریک۔ سے شنبے نادے آ کیپٹن محمد سرور شہید نا 73می شہیدی دے آ تینا کلہو اٹی اوپارے کہ لمہ وطن و کشمیر کن اونا قربانی ننا داعزم ءِ پین سوگو کیک کہ ننے تینا وطن عزیز نا ہر قیمت آ رکھ ءِ کروئی ءِ۔ اوپارے کہ قوم، ملک انا خاطر جان ءِ ندرکروک آ شہید آتے مدام یات تخک۔ کیپٹن راجہ محمد سرور شہید نا نرزوری و شجاعت ورناتے ٹی جوش و جوزہ ودی کرسا کیک۔ اوپارے کہ لمہ وطن نا خاطر تینا جان نا قربانی تروک آ کیپٹن سرور شہید نرزوری نا روشناءُ درور اسے۔ قوم 1948ء نا کشمیر جنگ اٹ نرزوری، شجاعت نا داستاں اس نوشتہ کروک آ شہید کیپٹن محمد سرور ءِ خراج عقیدت پیش کیک۔
