اسلام آباد۔ 27جولائی (اے پی پی) قطراٹی کاریم کروک آپاکستانی خواری کش آتا زررادہ کننگ اٹ تدوک آ مالی سال اٹی پیوستہ مالی سال انا مقابلہ ٹی 18.8درسد نا ودکی ریکارڈ کننگا۔ اسٹیٹ بینک انا کنڈآن دابابت جاری کروک حساب وکتاب نا رداٹ مالی سال 2021ء ٹی قطراٹی کاریم کروک آ پاکستانی خواری کش آک 903ملین ڈالر نا زرمبادلہ ملک آ مون تسر ہرامالی سال 2020ء نا مقابلہ ٹی 18.8درسد زیات ءُ۔ مالی سال 2020ء ٹی قطراٹی کاریم کروک آ پاکستانی تا زررادہ کننگ نا کچ 760.2ملین ڈالر ریکارڈ کننگاسس۔ جون 2021ء ٹی قطر اٹی کاریم کروک آ پاکستانی تا زررادہ کننگ نا کچ 81.2ملین ڈالر ریکارڈ کننگا ہرا جون 2020ء نا 78.8ملین ڈالر نا مقابلہ ٹی 3.04درسد زیات ءُ۔ تدوک آ مالی سال اٹی سمندرآن ایپار پاکستانی تا زررادہ کننگ اٹ جم وڑاٹ 27درسد نا نمومسنے۔
