اسلام آباد۔ 26جولائی (اے پی پی) وزیرخارجہ مخدوم شاہ محمود قریشی پارینے کہ پاکستان تحریک انصاف آزاد جموں و کشمیرنا گچین کاری تیٹی گیشتری اٹ کٹک۔ یک شنبے نادے آ نجی ٹیلی ویژن چینل تون گپ وتران کرسا اوپارے کہ تحریک انصاف آزاد جموں و کشمیراٹ حکومت جوڑ کیک و کشمیرکاز ءِ سوگوی تننگ کن کوشست آتے برجاتخک۔ اوپارے کہ نتیجہ غاتا جاری کننگ اٹ ہچ ءُ اڑاند اس اف۔ پری پول دھاندلی نا بابت دوبہ غاتا بارواٹ سوج اسے نا ورندی ٹی اوپارے کہ بنجائی حکومت چندی موقع غاتیا حزب اختلاف نا جماعت آتے الیکٹرانک وونٹنگ سسٹم (ای وی ایس) درستی راستی کرفنگ نا سلہ خلک۔ داوڑنا دوبہ غاتیان نجات کن الیکٹرانک وونٹنگ نا نظام ءِ اتنگ نا سخت گرج ءِ۔ کشمیرکاذ و اپوزیشن نا شورشرابہ غا تران کرسا وزیرخارجہ پارے کہ حزب اختلاف نا جماعت آک کشمیرنا بابت سیاست کننگ ءُ۔ اوپارے کہ اسٹ اس ہم کشمیر نا ویل آ سمجھوتہ کپک۔ پاکستان تحریک انصاف آزاد جموں و کشمیر اٹ حکومت جوڑ کننگ آن پد بھارتی غیرکانودی مقبوضہ جموں و کشمیرکن پبی وڑاٹ توار بڑزکیک۔
