اسلام آباد۔ 26جولائی (اے پی پی) چیئرمین سینیٹ محمد صادق سنجرانی سینیٹر کہدہ بابر نا بلہ نا کزیت آ ہڑزخواہی کن پارلیمنٹ لاجز اٹی اونا ہنکین آ ہنا۔ دوشنبے نادے آ سینیٹ سیکرٹریٹ نا کنڈآن جاری بیان نا رداٹ ڈپٹی چیئرمین سینیٹ مرزامحمد آفریدی، قائد ایوان سینیٹ سینیٹر ڈاکٹر شہزادہ وسیم و سینیٹر نصیب اللہ بازئی ئسک ہم چیئرمین سینیٹ تون اوار ئسر۔ چیئرمین سینیٹ و ڈپٹی چیئرمین سینیٹ سینیٹر کہدہ بابرتون ہڑزخواہی و ایماندار نا روح انا ثواب و درجہ غاتا بڑزی کن اللہ تعالیٰ آن دعاکریر۔ چیئرمین سینیٹ صاد ق سنجرانی دعاکرے کہ اللہ تعالیٰ ایماندار ءِ جنت اٹ جاگہ ایتے و غمزدہ خاہوت ءِ صبرکننگ نا توفیق ایتے۔ چیئرمین سینیٹ و ایلوسرکڑدہ غاک سینیٹر کہدہ بابر تون زرس وخت گدریفیر۔
