اسلام آباد۔ 26جولائی (اے پی پی) بنجائی وزیر حوالکاری و شینکاری چوہدری فواد حسین پارینے کہ آزاد کشمیر گچین کاری تیٹی تحریک انصاف نا شاندار سرسہبی لس بندغ نا وزیراعظم عمران خان آ بدل مفروک پت انا درشانی ءِ۔ دوشنبے نادے آ تینا ٹویٹ اٹی اوپارے کہ اپوزیشن تینا سرکڑدہ و سیاست ہڑتوم آتیا نظر شاغے۔ چوہدری فواد حسین پارے کہ زرداری و نواز شریف ءِ مخلوق امنا کننگ کن تیار افس۔ گیگ بدل سرکڑدہ نا وخت ءِ، (اوغان قومی سلامتی نا سلاہکار) حمداللہ محب تون اوڑدہی کروک آتا ہچ ءُ آخبت اس اف۔
