اسلام آباد۔24جولائی (اے پی پی): بنجاھی 2وزیر اھوالکاری ءُ شنگ کاری چوہدری فواد حسین ءَ گوشت کہ ن لیگ حمد اللہ محب ءُ نواز شریف ءِ نیام ءَ گند ءُ نند ءِ آڈیو ٹرانسکرپٹ راج ءِ دیم ءَ ایر کتگ،
پاکستان ءِ ھلاپ ءَ اوگانی شہری ءَ گوں نواز شریف ءِ گند ءُ نند ءَ چہ پد بھارتی چیریں ایجنسی ءِ کارندہ ءَ گوں گند ءُ نند کتگ۔ نواز شریف ملک ءِ سئے رند ءَ مزن وزیر بوتگ، چے آئی ءَ را پاکستان ءِ ھلاپ کنوک حمد اللہ محمد ءَ گند ءُ نند بُکت اِنت؟ پاکستان ءِ ھلاپ ءَ بیان دیگ ءِ پد ءَ پاکستنا ءَ اوگان راجی سلامتی ءِ مشیر ءِ کارگس ءَ چہ وتی توامٰں رابطہ ھلاپ کتگ انت۔ اوگان سروک آں گوں سہرا کتگ کہ اوگان سلامتی مشیر ءَ گوں اچ رنگیں گپ ءُ تران کنگ نہ بیت، پاکستان ءَ ھمک مشکلیں وھد ءَ اوگانستان ءِ گوما ھمکوپگی کتگ، ما اوگانستان ءِ اندر ءَ یک انچیں حکومتے ءِ واستہ واھشت ایگ آں ھمائی کہ توامیں اوگان پارٹی بہ من اَنت۔ آئی ءَ گوشت کہ پاکستنا ءَ بازیں سال آں چہ 50 لکھ اگان لڈ ءُ بار کنوک آنی میزبانی کتگ، امر اللہ صالح اگاں 20 سال ءَ تاں سروکی ءَ ابید وتی ملک ءَ را برجائی ءُ آسودگی دات نہ کنت گڈا آ وتی کیاسگری ءَ بکنت۔ ما اوگان الس آنی گوما ھمگام ءَ اوشتاتگ آں ءُ انگت اوشتاں، بھارت ءَ پاکستنا ءِ مزن وزیر ءِ گوما دگنیا ءِ بازیں سروک ءُ وت بھارت ءِ توک ءَ نندوکیں اپوزیشن ءُ اھوالکار آنی فون ءَ را ٹیپ کنگ ءِ واستہ اسرائیلی ٹیکنالوجی ءِ کارمرزی کتگ۔ اے ھیالانی درشانی آئی ءَ شمبے ءِ رو چ ءَ پریس کانفرنس ءَ گوں گشتانک دیان ءَ کت۔ اے موہ ءِ سر ءَ مزن وزیر ءِ مشیر برائے کیاسگری ءُ تہی کار شہزاد اکبر ھم ساڑی ات۔
