اسلام آباد۔24جولائی (اے پی پی): مزن وزیر ءِ مشیر برائے کیاسگری ءُ تہی کار  شہزاد اکبر ءَ گوشت کہ بھارت ءِ نیمگ ءَ اسرائیلی سافٹ ویئر ءِ وسیلگ ءَ دومی ملک آنی جاسوس میاں اوستمانی کانود آنی تل پچیں ھلاپ ورزی انت، اے سکینڈل پانامہ لیکس ءَ چہ مستر انت، بھارت ءَ اسرائیلی سافٹ وئیر پیگاسس ءِ وسیلگ ءَ ہائیبرڈ جاسوسی کتگ، مودی ءَ اے  سافٹ ویئر ءَ را بھارت ءِ  توک ءَ وتی ھلاپ کنوک  آنی جاسوس ءِ واستہ ھم کارمرد کتگ، مزن وزیر عمران خان ءُ بازیں  اُردی کارندہ آنی فون ءَ چہ ڈیٹا دزئی کنگ ءِ ھم کوشست کتگ، پیگاسس ءِ وسیلگ ءَ ایوک ءَ پاکستان  ءَ را نشانگ بندگ نہ بوتگ بلکینگ ءَ 10 ایندگر ملک آنی نام  اتکگ انت، بھارت ءَ سائبر جاسوسی ءِ وسیلگ ءَ پاکستان ءِ سلامتی ءِ سر ءَ ارش کتگ۔  پاکستان وتی سلامتی ءُ وت مستری ءِ رکھینگ ءِ واستہ ھمک کانودی گامگیج چست کنت،  پاکستان ءَ پیسر ءَ چہ یونائیٹڈ نیشن ءَ چہ جیڈھ ءِ پٹ ءُ پول  کنگ ءِ لوٹ کتگ۔  پاکستان ءَ اے سائبر اُرش ءِ سرکاری تک ءَ ھم انکوائری ءِ پیسلہ کتگ۔ انکوائری کمیٹی ءَ سیکورٹی ادارگ ءُ  درئی کارانی کارگس ءِ کارندہ  ھوار بنت۔ اے ھیال آنی درشانی آئی ءَ شمبے ءِ روچ  بنجاھی وزیر اھوالکاری ءُ شنگ کاری فواد حسین ءِ ھمبراھی ءَ پریس کانفرنس ءَ گوں گشتانک دیان ءَ کت۔  آئی ءَ گوشت کہ اے یک ارزشتی ایں ایشو ات۔  ایشی ءِ ارزسشت پاکستان ءِ راجی سلامتی ءِ ھاترا باز گیش انت۔ آئی ءَ گوشت کہ یک  اھوالکاری ڈلے ءَ ایمنسٹی انٹرنیشنل ءِ گوما یکجائی ءَ اے جیڈھ ءَ را سہرا کتگ،  اے پانامہ لیکس ءَ چہ مستریں  جیڈھ ات، پانامہ لیکس ءَ  ایوک ءَ مردم آنی کرپشن ءِ گپ بوتگ۔