اسلام آباد۔24جولائی (اے پی پی): مزن وزیر عمران خان ءَ نہال کشگ ءِ گامگیج ءِ رد ءَ نتھیا گلی ءَ پائن ءِ نہال کشتٓ۔ مزن وزیر ءَ شمبے ءِ رو چ ءَ نتھیا گلیءَ پائن ءِ نہال کشت ءُ اکس ءَ را ٹویٹ کت۔ آئی ءَ گوشت کہ پائن ءِ نہال کشگ اے موسم ءِ نہال کشگ ءِ گامگیج ءِ بھر انت۔ مزن وزیر ءَ گوشت کہ من لوٹاں کہ سرجمیں راج ملک ءَ را سر سبز جوڑ بکن آں۔
مزن وزیر عمران خان ءَ ایشی ءَ چہ پیسر بازیں موہ آنی ھوالگ ءَ ٹویٹس آنی تہ ءَ شہری الس ھاسیں رنگ ءَ ورنا آناں سرجمیں ملک ءَ گیشاں چہ گیش نہال کشگ ءِ گامگیج ءَ بھر زوری کنگ ءِ بابت ءَ گوشتگ۔ اے ٹویٹس آنی تہ ءَ حکومت ءِ دھ اتب درچک سونامی منصوبگ، گرین اینڈ کلین پاکستان گامگیج ءُ ملک ءَ بہار ءِ موسم ءِ نہال کشگ ءِ ھوالگ دات۔ یک ٹویٹے ءَ آئی ءَ گوشت کہ من لوٹاں کہ توامیں پاکستانی ھاسیں رنگ ءَ مئے ورنا مئے تاریخ ءِ درچک کشگ ءِ درستاں چہ مستریں گامگیج آنی واستہ وت ءَ را تیار بکن انت۔
مزن وزیر مٹہ سوات ءُ بھکر ءِ اکس ھم وڈیو کلپس ھم ٹویٹ کت انت آھودا 10 ارب درچک آناں نہال کشگ ءِ گامگیج ءُ گلین و گرین پاکستنا گامگیج ءِ چیر دستی ءَ زمین ءِ سبز بھر آنی تہ ءَ مٹ کنگ بوت۔ آئی ءَ 20 جولائی ءَ وتی یک ٹویٹے ءِ تہ ءَ گوشت کہ سرسبز پاکستان آیوکیں باھند آنی واستہ انت۔
