اسلام آباد۔24جولائی (اے پی پی):مشیر برائے راجی سلامتی ڈاکٹر معید یوسف ءَ گوشت کہ بھارت ءَ گوں تاں وھد ءِ گپ نہ بیت تانکہ آ کشمیر ءِ جیڈھ ءَ را یونائیٹڈ نیشن ءِ منوگری آنی رد ءَ گیواری کنگ ءِ واستہ تیار نہ بیت، تاں وھد ءِ بھارت مقبوضہ کشمیر ءِ بابت ءَ 5 اگست 2019 ءِ یک نیمگی ءُ ظلم ءُ زوراکی رنگ ءَ گامگیج آنی واپسی ءَ چہ گپ ءُ تران ناممکن انت۔ پاکستان ءِ حکومت ءُ الس آجوئی ءَ تاں کشمیری الس ءِ کمک ءَ را جاڑی دار ایت ۔ شمبے ءِ روچ ءَ “دی وائر” ءِ واستہ بھارتی اھوالکار کرن تھاپر ءَ را داتگیں انٹرویو ءَ آئی ءَ گوشت کہ بھارت ءِ پڑے ایمنی ءَ را ھراب کنگ ءِ واستہ ناشرکاری کنائینگ ءِ ثبوت است انت۔ آئی ءَ گوشت کہ بھارتی چیریں ایجنسی وتی ناشرکار آنی وسیلگ ءَ پہ زانت پاکستان ءَ سی پیک ءُ چینی سیت آناں نشانگ بندگ ءَ انت۔ آئی ءَ بھارتی اھوالکار ءَ را گوشت کہ پاکستان ءَ را بھارت ءِ اے رویہ ءِ سر ءَ سک باز نہ وشی ءُ دلرنجی انت
