اسلام آباد۔24جولائی (اے پی پی): وزیر ءِ درئی کار مخدوم شاہ محمود قریشی چین ءِ دو روچی تر ءُ تاب ءِ سرجم کنگ ءَ پد واپس وطن ءَ روادگ بوت۔ چینگڈو بالی پٹ ءِ سر ءَ چین ءَ استیں پاکستنای سفیر معین الحق ءُ وزارت ءِ درئی کار چین ءِ کلانہ ایں کارندہ ءَ وزیر ءِ درئی کار ءَ را گڈ بائی کت۔ وزیر ءِ درئی کار ءَ وتی لُکوکیں تر ءُ تاب ءِ ساھت ءَ پاکستان ءُ چین ءِ نیام ءَ ڈلی تک ءَ سول ءُ تران آنی تہ ءَ پاکستانی ڈل ءِ سروکی کت۔ وزیر ءِ درئی کار ءَ دو نیمگی یکوئی، پاک چین اسٹریٹیجک شریکداری ءُ دو نیمگی یکجائی آنی دیمروئی ءِ بابت ءَ پاکستنا ءِ جزم ءِ درشان کت۔ وزیر ءِ درئی کار ءَ وت مہ وتی واھگی کار آنی ارزشتیں ایں میاں اوستمانی کار آنی رد ءَ پاکستان ءِ لیکہ ءَ سہرا کت۔ امیت انت کہ وزیر ءِ درئی کار اے چین ءِ تر ءُ تاب، پاکستان چین بے کساس دوستی ءُ یکوئی آناں گیش برجم جوڑ کنگ ءَ کمکار سہرا بیت۔
