اسلام آباد۔23جولائی (اے پی پی): وزیر ءِ درئی کار مخدوم شاہ محمود قریشی ڈل ءِ ھمبراھی ءَ آدینگ ءِ روچ ءَ چین ءِ دو روچی تر ءُ تاب ءِ ھاترا روادگ بوت۔ وزیر ءِ درئی کار چین ءِ صوبگ سیچوان ءِ دارالحکومت چینگڈو ءَ ، پاک چین دو نیمگی ڈلی تک ءَ بوھوکیں سول ءُ تران ءَ پاکستانی ڈل آنی سروکی ءَ کنت انت۔
اے سول ءُ تران آنی تہ ءَ دو نیمگی، کار پاک چین اقتصادی راہداری منصوبگ آنی سر ءَ انوگ ءَ تاں بوھوکیں دیمروئی کار، کورونا ویکسین ، ناشرکاری ءِ گر ءُ دار، دیمپانی سیکورٹی ءِ شوبگ آنی تہ ءَ دو نیمگی کمک آنی دیمروئی ءُ پڑے جاور ھال آنی تہ ءَ وت مہ وتی کار آنی ھوالگ ءَ ھیال ریچی کنگ بیت۔
وزیر ءِ درئی کار وتی لُکوکیں تر ءُ تاب ءِ ساھت ءَ چینی وزیر ءِ درئی کار وانگ ژی ءَ ھوار ٹوھیں ٹوھیں سروک آں گوں گند ءُ نند کنت۔ یات دارگ بہ بیت کہ وزیر ءِ درئی کار مخدوم شاہ محمود قریشی ءَ را چین ءِ تر ءُ تاب ءِ دعوت، آئی ءِ چینی ھمکار وانگ ژی ءَ داتگ بوتگ۔ وزیر ءِ درئی کار ءَ اے تر ءُ تاب، پاکستان ءُ چین ءِ نیام ءَ بے کساس دوستی ءُ سٹریٹیجک کمک آناں گیش برجم جوڑ کنگ ءَ ارزشتی ایں کرد ءِ پیلو کنت انت۔
