تراڑ کھل۔23جولائی (اے پی پی): مزن وزیر عمران خان ءَ سیاسی بُکگ جنوک آنی نیمگ ءَ آزات کشمیر ءَ را صوبگ جوڑ کنگ ءِ اپواہ ءَ را بے سر ءُ پاد نامینتگ ءُ گوشتگ کہ کشمیری الس یونائیٹڈ نیشن ءِ منوگری آنی رد ءَ وتی آیوکیں باندات ءِ پیسلہ ءَ وت کناں، گچین کاری ءَ ہار ورگ ءِ ترس ءَ اپوزیشن ءَ دھاندلی ءِ گپ ءَ را بندات کتگ، وھدیکہ حکومت مسلم لیگ (ن) ایگ انت ءُ الیکشن کمیشن ءُ کارندہ ھم آواں پوسٹ کتگ انت۔ آزات کشمیر ءِ الس آناں گریبی ءَ چہ در کناں، مودی کشمیری آنی سر ءَ ظلم ءُ زوراکی کنگ ءَ بوتگ ءُ نواز شریف آئی ءَ گوں چیروکائی گند ءُ نند کنگ ءَ بوتگ ءُ سور ءُ آروس آں دعوت دیگ ءَ بوتگ۔ زرداری ءِ زر ءُ کلدار ءِ ھساب ءَ چہ گیش نہ بوتگ ، آئی ءَ گوشت کہ من سرجمیں دگنیا ءَ کشمیر ءِ جیڈھ ءَ را سہرا کتگ۔ منی ایمان انت کہ کشمیری آنی قربانی مُپت ءَ نہ رونت۔ مقبوضہ کشمیر ءِ الس دلجم بہ باں، کمو اوپار کشی بکن انت، آواناں آوانی ھک رس ایت۔ اے ھیالانی درشانی آئی ءَ آدینگ ءِ روچ ءَ تراڑ کھل ءَ گچین کاری مُچی ءَ گوں گشتانک دیان ءَ کت۔
