کوٹلی۔23جولائی (اے پی پی): مزن وزیر عمران خان ءَ گوشت کہ آزات کشمیر ءِ الس آں ووٹ ءِ وسیلگ ءَ وتی کسمت مٹ کنگی انت، امدیت انت کہ 25 جولائی ءَ آزات کشمیر ءِ ھم ٹوھیں مٹ ءُ بدلی ءِ کئیت۔ مقبوضہ کشمیر ءِ آجوئی ءِ کیس ءَ را ھمک میاں اوستمانی فورم ءِ سر ءَ سہرا کناں، مقبوضہ کشمیر ءِ کودکیں کشمیری بازیں سال آں چہ بھارتی ظلم ءُ زوراکی ءِ آماچ انت۔ کشمیر الس آںی وت واجئی ھک پیدائشی ھک یونائیٹڈ نیشن ءَ داتگ، مقبوضہ کشمیر ءُ آزات کشمیر ءِ الس وتی آیوکیں باندات ءِ پیسلہ ءَ وت کناں، کشمیر ءِ جہد ءُ کوشست زمین ءِ واستہ نہ انت بلکینگ ءَ بنی آدمی ھک آںی واستہ انت، بھارت گیش وھد ءُ پاس ءَ تاں آجوئی جوزگ ءِ دیم ءَ اوشتات نہ کنت۔ آئی ءَ گوشت کہ نواز شریف ءَ وتی مال ءُ ماڑی آنی چیر دیگ ءِواستہ مودی ءِ کمک زرتگ۔ مزن وزیر عمران خان آدینگ ءِ روچ ءَ کوٹلی ءَ پی ٹی آئی ءِ چیر دستی ءَ گچین کاری مُچی ءَ گوں گشتانک دیان ءَ کت۔ مزن وزیر ءَ گوشت کہ پُرمڈاھیں وش اتک کنگ ءِ پد ءَ کوٹلی ءِ الس آنی شگر ءُ منت وار آں۔
