کوئٹہ۔ 23جولائی (اے پی پی) گورنر بلوچستان سید ظہور آغا بھلا عئید انا وخت آ غٹ اہل وطن ءِ مبارکبادی ترسا پارینے کہ بھلا عئید انا دے نئے بیرہ غٹ مسلمان تیکن خوشی نا تہوار اسے بلکن دا امت مسلمہ کن بے مٹ ءُ سیوت و یکجہتی نا درشانی ہم ارے۔ داخیال آتا درشانی ءِ او گورنر ہاؤس کوئٹہ ٹی عئید انا نماز آن پد عئید ملنگ نا وخت آ گپ وتران کرسا کرے۔ گورنر بلوچستان پارے کہ دادے غٹ مسلمان تیکن ایثار، قربانی و مہرومریبت و رواداری نا جوزہ غاتا پوسکنی نا دے ہم ارے ہرا حضرت ابراہیم خلیل اللہ و حضرت اسماعیل نا بے مٹ قربانی نا یات ترفک و ننے داہیت انا سبخ ایتک کہ نن ہم ہروخت اللہ تعالیٰ نا رضا و خوشنودی نا خاطر تینا جون ومال ءِ قربان کننگ کن تیار مرین۔ اومخلوق آ زور شاغا کہ او عئید انا خوشی ءِ اڈترسا نیزگار، چوری، جنوزان و بے آسرا بندغ آتے است آن دپس بلکن اوفتا ہروڑاٹ کمک و دلجوئی ءِ کیر و اوفتے تینا خوشی تیٹی شریک کیر تانکہ او ہم دامذہبی تہوار ءِ جوان وڑاٹ اڈتننگ کیر۔
