اسلام آباد۔ 23جولائی (اے پی پی) وزیر مملکت حوالکاری و شینکاری فرخ حبیب پارینے کہ برطانیہ نا کنڈآن ”یوکے گلوبل اینٹی کرپشن رجیم“ نا رداٹ دنیا نا پین کرپٹ انگا بندغ آتیا پابندی خلنگ ستاکڑزوک ءُ ہیت اسے، نواز شریف نا کنڈآن ملک انا پیسہ غاتے پلسالندن اٹ ایون فیلڈ فلیٹ جوڑ کننگ یوکے گلوبل اینٹی کرپشن رجیم نا دنگ اٹ بریک، کارروائی کننگے۔ جمعہ نادے آ تینا ٹویٹ اٹی وزیر مملکت فرخ حبیب پارے کہ نواز شریف ءِ پاکستان نا عدالت آک کرپشن آ سزا تسنو، سزاغان بچنگ کن نرنگ نا حالیت اٹ لندن اٹ تولوک ءِ۔ اوپارے کہ وزیراعظم عمران خان ہم اقوام متحدہ ٹی شون ہلوک ملک آتا سرکڑدہ غاتے مخاطب کرے و پارے کہ نیزگار ملک آتیان پیسہ غاتے پلسا ہمینگیا دننگک ہراڑآ کارروائی کننگے۔
