ننکانہ صاحب۔ 23جولائی (اے پی پی) بنجائی وزیر منشیات تور اعجاز احمد شاہ پارینے کہ آزاد کشمیر نا گچین کاری تیٹی ن لیگ و پاکستان تحریک انصاف نا نیام اٹ سخت ءُ مقابلہ اس مریک، مریم نواز جلسہ غاتے ٹی ہرازبان ءِ کاریم اٹ اتنگ ءِ او ہچ ءُ وڑاسے ٹی سہی اف۔ بھلا عئید انا وخت آ میڈیا تون گپ وتران کرسا اعجاز احمد شاہ پارے کہ نن غٹ داوڑنا زبان ءِ کاریم اٹ اتنگ آن بایدے پاناد کین، ن لیگ ءِ آزاد کشمیر اٹی تینا حکومت مننگ نا فائدہ دوئی مننگ ءِ، الیکشن والا دے ن لیگ ءِ سماتمک، الیکشن اٹ کٹنگ و باتننگ مریک کاہک نن الیکشن ءُ جنگ اس بایدے سرپند مفن۔ بنجائی وزیر غٹ پاکستانی تے بھلا عئید انا خوشی تا مبارکبادی ترسا پارے کہ سنت ابراہیمی آ عمل کرسا نن اللہ تعالیٰ نا رضا و آخرت اٹ سرسہبی دوئی کننگ کینہ۔ اوپارے کہ تینا غٹ آن نہادی گڑاءِ اللہ تعالیٰ نا رضاکن قربان کننگ قربانی نا فلسفہ ءِ۔ بنجائی وزیر منشیات تور اعجاز احمد شاہ عئید انا نماز ءِ تینا باوہ پیرہ ئی آ خلق نبی پورپیراں ٹی خوانا۔ اوملکی شونداری و شونہالی کن دعا کرے۔ اوپارے کہ پاکستان نا ساڑی حالیت آتا پد اٹ بھاز انگا سوب آک ءُ، سی پیک و پاک چین سنگتی نا دشمنک ننا دشمنک ءُ، اعجاز احمد شاہ پارے کہ اوغان سفیر نا مسڑتون پیش بروک آ واقعہ است ہسونی نا سوب ءِ۔ داغٹ پاکستان ءِ بدنام کننگ کن چم ءُ، ننے بحیثیت قوم داچم آتے تینا سیوت و سخا اٹ بے سہب کروئی ءِ، انشاء اللہ اسلام و پاکستان نا دشمنک بے سہب مریرہ۔ اوپارے کہ کورونا نا کیس آتا مثبت کچ اٹ ترندی بننگ ءِ، عئید آ زمواری و احتیاط نا درشانی ءِ کیر تانکہ نن دا دین آن خلاصی دوئی کننگ اٹ سرسہب مننگ کین۔
