اسلام آباد۔ 23جولائی (اے پی پی) بنجائی وزیر حوالکاری و شینکاری چوہدری فواد حسین سینئر صحافی عارف نظامی نا کزیت آ است ہسونی نا درشانی ءِ کرینے۔ چارشنبے نادے آ تینا اسہ ٹویٹ اسے ٹی اوپارے کہ عارف نظامی صاحب نا کزیت نا بنگٹ اس ہسون مس۔ اونا اوڑتون بھلو تعلق اس ئس۔ تحریک پاکستان اٹ اونا باوہ حمید نظامی و کنا پیرہ چوہدری اویس و اِلہ چوہدری الطاف حسین ہمسفر ئسر۔ ہندا تعلق تون اوڑتون ہمو تعلق ئس ہرا خاہوت نا بزرگ آتون مریک، اللہ تعالیٰ اودے جنت الفردوس اٹ جاگہ ایتے۔
