اسلام آباد۔22جولائی (اے پی پی):گذشتہ بیست ءُ چار کلاک آنی ساھت ءَ کورونا وائرس ءِ سبب ءَ سندھ ءَ چہ پد پنجاپ ءَ درستاں چہ گیش بیرانی ریکاٹ کنگ بوتگ۔ سرجمیں ملک ءَ گوستگیں 24 کلاک آنی ساھت ءَ کورونا وائرس ءَ چہ 40 بیرانی بوتگ ایشانی تہ ءَ 25 بیرانی وینٹیلیٹرز ءِ سر ءَ استیں مریض آنی بوتگ۔ نیشنل کمانڈ اینڈ آپریشن سینٹر ءِ نیمگ ءَ جاڑی بوتگیں ھساب ءُ داد آنی رد ءَ گوستگیں 24 کلاک آنی ساھت ءَ سرجمیں ملک ءَ 2 ہزار 158 مردم کوویڈ – 19 ٹیسٹ پازیٹیو اتکگ انت۔ ملک ءِ 4 ٹوھیں شہر آنی تہ ءَ وینٹیلیٹر ءِ سر ءَ کوویڈ- 19 ءِ مریض آنی “تناسب” ءِ رد ءَ ملتان ءَ 15 درسد، پشاور ءَ 17 درسد، لاہور 20 درسد ءُ اسلام آباد ءَ 22 درسد مریض انت۔
