اسلام آباد۔21جولائی (اے پی پی): وزیر ءِ تہی کار شیخ رشید احمد ءَ گوں چین ءِ سفیر نونگ رونگ ءَ ادا گند ءُ نند کت ءُ آئی ءَ گوں ائید ءُ مبارکی کت۔ گند ءُ نند ءَ چینی سفیر ءَ پاک چین یکوئی آنی ھوالگ ءَ چست بوھوکیں پندل آنی ھلاپ ءَ گامگیج آنی پد ءَ وزارت ءِ تہی کار ءِ کوشست آناں ساڑات ءُ داسو ہائیڈرو پاور بس واکیہ ءِ ھوالگ ءَ جاڑٰیگیں پٹ ءُ پول ءِ پد ءَ دل یکیمی ءِ درشان کت۔ ائید ءِ روچ ءِ چینی سفیر وزیر ءِ تہی کار شیخ رشید احمد ءِ گس ءَ شت ءُ ائید ءُ مبارکی دیان ءَ پاکستنای الس آنی واستہ نیکیں واھگ ءُ واھشت آنی درشان کت۔ اے موہ ءِ سر ءَ پاک چین دو نیمگی یکوئی آنی ھوالگ ءَ ھیال ریچی کت۔ وزیر ءِ تہی کار ءَ چینی سفیر ءَ داسو بس واکیہ ءَ بیران بوتگیں چینی ورکرز آنی واستہ دلپدردی ءِ درشان کت۔ وزیر ءِ تہی کار ءُ چینی سفیر ءَ گند ءُ نند ءَ اے گپ ءِ درشان کت کہ پاک، چین یکوئی آنی تہ ءَ اچ رنگیں پینگ اتک نہ کن ت، وزیر ءِ تہی کار ءُ چینی سفیر ءَ پٹ ءُ پول ءَ را زوت سرجم کنگ ءِ پد ءَ تپاکی ءِ درشان کت۔
