اسلام آباد۔21جولائی (اے پی پی):صدر مملکت ڈاکٹر عارف علوی ءَ گوشت کہ مزنیں ائید ءِ وشی آناں درستانی گوما بھر ءُ بانگ کنگ ءِ ضلورت انت، ائید ءِ وشیں روچ آں نادراھ آناں یات بکن ات، آواناں وتی وشیں روچ آنی تہ ءَ شریک کنگ لوٹ ایت۔ ایوان ءِ صدر ءِ پریس ونگ ءِ نیمگ ءَ جاڑی بوتگیں ھال آنی رد ءَ صدر مملکت ڈاکٹر عارف علوی ءَ مزنیں ائید ءِ موہ ءَ پمز ہسپتال ءِ تر ءُ تاب کت۔
بیگم ثمہنہ عارف علوی ھم اے موہ ءِ سر ءَ ھمبراہ ات۔ صدر ءِ مملکت ءَ را ہسپتال ءِ انتظامیہ ءِ نیمگ ءَ بریفنگ دیگ بیت۔ صدر ءِ مملکت ءُ بیگم ثمہنہ عارف علوی ءَ جتا جتائیں وارڈ آنی تر ءُ تاب کت۔ صدر ءِ مملکت زھگ آںی ھاسیں وارڈ آنی تہ ءَ شت، زھگ آنی سروکی کت، آوانی پت ءُ سروک آنی گوما مل ات۔ صدر ءِ مملکت ءَ ایندگر مریض آنی ھال پرسی کت، زوت جان سلامتی ءِ ھم دعا ءُ نیک کت۔
صدر ءِ مملکت ءَ ہسپتال ءِ انتظامیہ ءِ گوما دل یکیمی ءِ درشان کت۔ آئی ءَ گوشت کہ ائید ءِ وشی درستانی گوما بھر ءُ بانگ کنگ ءِ ضلورت انت، ائید ءِ وشیں روچ آں نادُراھ آناں یات بکن ات، آواناں وتی وشی آنی تہ ءَ شریک بکن ات۔
