اسلام آباد۔21جولائی (اے پی پی):ترجمان درئی کارانی کارگس زاہد حفیظ چوہدری ءَ گوشت کہ مزن وزیر عمران خان ءِ پنت ءُ شون ءِ پد ءَ سعودی عرب ءَ چہ کسانیں کیس آں گوں دست مانجنیں 85 ءَ چہ 62 کیزی وطن ءَ واپس آورتگ انت، باقی 23 کیزی درکپگی ویزا آنی کار سرجم بوھگ ءَ پد وطن ءَ واپس آرگ بیت۔ اے ھیالانی درشانی آئی ءَ اھوالکار آنی جست آنی پسو ءَ دیان ءَ کت۔ آئی ءَ گوشت کہ مزن وزیر عمران خان ءِ پنت ءُ شون ءِ رد ءَ ریاض ءَ پاکستانی سفارتخانہ ءَ کسانیں کیس آں گوں دست مانجنیں ڈن ملک ءَ سزا آنی سرجم کنوکیں پاکستنای شہری آناں زوت یلو بوھگ ءُ وطن واپسی ءِ وساتہ سعودی عرب ءِ گوما رابطہ ءَ انت۔ پاکستان ءِ دزبندی ءِ پد ءَ سعودی کارندہ آنی یک مزنی تکی یکمیٹی ءَ ریاض ءَ پاکستانی آنی چار ءُ تپاسی کت ءُ 85 مردم آنی سزا معاف کت انت۔ ترجمان درئی کارانی کارگس زاہد حفیظ چوہدری ءَ گوشت کہ مزن وزیر عمران خان ءِ پنت ءُ شون ءِ پد ءَ سعودی عرب ءَ چہ کسانیں کیس آں گوں دست مانجنیں 85 ءَ چہ 62 کیزی وطن ءَ واپس آورتگ انت، باقی 23 کیزی درکپگی ویزا آنی کار سرجم بوھگ ءَ پد وطن ءَ واپس آرگ بیت۔
