راولپنڈی۔21جولائی (اے پی پی): سرڈگاری اُرد ءِ سروک جنرل قمر جاوید باجوہ ءَ ائید ءِ روچ خیبر پختونخوا ءِ ضلع کرم ءَ پاک۔ اوگان انٹرنیشنل بارڈر ءِ نزیک ءَ پوسٹیں اردی ورنا آنی گوما وھد گوازیشنت۔ پاک ارد ءِ شوبگ آئی ایس پی آر ءِ نیمگ ءَ جاڑی بوتگیں پریس ریلیز ءِ رد ءَ اردی ورنا آنی گوما گند ءُ نند ءُ ائید ءُ مبارکی ھم کت ارد ءِ سروک ءَ ماتیں وطن ءِ دیمپانی ءِ واستہ ٹوھیں جوزگ ءُ جزم ءِ توسیپ کت۔ آئی ءَ بارڈر سیکورٹی ءِ واستہ کتگیں جوانیں گامگیج ءُ کزبی تیاری آنی سر ءَ سرجمیں دل یکیمی ءِ درشان کت۔ جنرل قمر جاوید باجوہ ءَ دمگ ءِ چاگردی ءُ اقتصادی دیمروئی، روسانکی کوکا ءِ دیمروئی، سکول ہسپتال ءُ ھندی آبات ءِ برجائی ءِ واستہ گامگیج ءَ ھوار جاڑٰیگیں منصوبگ آنی سرجمی ءَ سول انتظامیہ ءِ کمک ءِ واستہ یک شلیں ازمت آناں ھم ساڑات۔ ایشی ءَ چہ پیسر آئی ءِ آیگ ءِ پد ءَ کورکمانڈر پشاور لیفٹیننٹ جنرل نعمان محمود ءَ آرمی چیف ءَ را وش اتک کت۔
