اسلام آباد۔19جولائی (اے پی پی): بنجاھی وزیر اھوالکاری ءُ شنگ کاری چوہدری فواد حسین ءَ گوشت کہ پاکستان ورنا آنی تہا سپورٹس کلچر ءَ را دیمروئی دیگ ءِ ضلورت انت، ملک ءَ اولی رند ءَ راجی تک ءَ ای سپورٹس ءِ برجائی وشیں گپ ات، فری فائر پاکستان لیگ ٹورنامنٹ ءَ چہ ای سپورٹس ءَ را دیمروئی رس ایت۔ سرجمیں دگنیا ءَ ویڈیو گیمز ءِ ھواریں مارکیٹ 200 بلین ڈالر ءَ چہ ود اتگ انت، فری فائر ای سپورٹس ٹورنامنٹ ءَ 567 ٹیمب بھر زور انت، پاکستانی زھگ ھم نوں ای سپورٹس ءَ بھر زوری کنان ءَ داد کٹ ات کناں۔
اے ھیالانی درشانی آئی ءَ دو شمبے ءَ پاکستان ءَ اولی رند ءَ ای اسپورٹس ایونٹ ءِ برجائی ءِ واستہ ”گیرینا“ ءُ ”بیگو“ ءِ گوما وت مہ وتی تپاک نامہ ءِ سر ءَ دست چنگل ءِ مراگش ءِ موہ ءَ کت۔ تپاک نامہ ءِ سر ءَ بنجاھی وزیر سیکریٹری اھوالکاری شاہیرہ شاہد ءُ بیگو ءِ زر باری ایشیا ءِ ریجنل ہیڈ جان ژانگ ءَ دست چنگل جت وھدیکہ گیرینا ءِ ڈائریکٹر ووشی کونگ ءَ ویڈیو لنک ءِ وسیلگ ءَ مراگش ءَ بھر زوری کت۔ مراگش ءَ گوں گشتانک دیان ءَ بنجاھیو زیر اھوالکاری ءَ گوشت کہ مرچی پاکستان اولی رند ءَ ای سپورٹس ءَ ھوار بوھگ ءَ انت۔ راجی تک ءَ ای سپورٹس ایونٹ برجم بوھگ ءِ پد ءَ مارا وشی رستگ۔ آئی ءَ گوشت کہ گیرینا دگنیا ءِ نامداریں کمپنی ات ایش بیگو ءِ کمک ءَ چہ پاکستان ءَ فری فائر راجی ٹورنامنٹ برجم دارگ ءَ انت۔
آئی ءَ گوشت کہ اے گیم ءَ یک کروڑ کلدار ءِ داد دیگ بیت، باج بروکیں ٹیم ءَ را میاں اوستمانی تک ءَ بوھوکیں مقابلہ ءَ بھر زوری کت کناں آئی ءِ تہ ءَ دو ملین ڈالر ءِ داد دیگ بیت۔ آئی ءَ گوشت کہ لیب ءُ گوازی ءَ گوں واھگ ءُ واھشت داروکیں زھگ آںی کرا موہ است انت آ 12 سال ءِ امبر ءَ کروڑ پتی جوڑ بوت کناں۔ آئی ءَ گوشت کہ ویڈیو گیمز ءِ ھواریں مارکیٹ 200 بلین ڈالر ءَ چہ ود اتگ انت۔
