اسلام آباد۔ 19جولائی (اے پی پی) وزیراعظم عمران خان اوکاڑہ ٹی معذور کم سن چنااسے تون بیدادی نا مبینہ کوشست نا واقعہ نا سخت نوٹس ءِ ہلسا پولیس ءِ دمدستی جاست وپاست و دوبہ دارآتا دزگیری نا پرمان کرینے، دوشنبے نادے آ سٹیزن پورٹل آ چنانا لمہ غاوکریسس کہ مقدمہ نا تفتیشی آفیسر کارروائی کننگ نا جاگہ غا اوڑآن رشوت ہلک۔ وزیراعظم واقعہ نا سخت نوٹس ءِ ہلسا معاملہ نا دمدستی جاست وپاست نا پرمان کرے۔ وزیراعظم نا پارت آ وزیراعظم ڈلیوری یونٹ ڈی پی اواوکاڑہ ءِ دمدستی کارروائی نا پارت کرے وخت اس کہ ڈی پی او اوکاڑہ تعلقدار تفتیشی ءِ معطل کرے۔ وزیراعظم پارت کرے کہ معاملہ نا شفاف جاست وپاست ءِ کننگے، دوبہ دار آتے دزگیر کننگے و دمدستی کانودی کارروائی کننگے، وزیراعظم عمران خان ڈی پی او اوکاڑہ ءِ جاست وپاست نا بابت معلومدار تخنگ نا ہم پارت کرینے۔
