عراق تون واپاری، زرگزرانی، دودوربیدگی و السی رابطہ غاتے ودفنگ نا گرج ءِ، صدر ڈاکٹر عارف علوی نا عراق کن پندار سفیر تون اوڑدہی ٹی گپ وتران

اسلام آباد۔ 19جولائی (اے پی پی) صدر مملکت ڈاکٹر عارف علوی پارینے کہ پاکستان ڈیہہ نا ملک آتون رابطہ غاتے ودفنگ آ خاص چکار کننگ ءِ، عراق تون واپاری، زرگزرانی، دودوربیدگی و السی رابطہ غاتے ودفنگ نا گرج ءِ۔ داخیال آتا درشانی ءِ او دوشنبے نادے آ عراق کن پاکستان نا پندار سفیر احمد امجد علی تون اوڑدہی ٹی کرے۔ صدر مملکت ڈاکٹر عارف علوی پارے کہ برادر ملک عراق تون واپاری، زرگزرانی، دودوربیدگی و السی رابطہ غاتے ودفنگ نا گرج ءِ، اوپارے کہ پاکستان و عراق نا نیام اٹ واپار نا بشخ اٹی کمکاری ءِ ودفنگ نا بھلو گنجائشت اس ارے، پندار سفیر عراق و پاکستان نا نیام اٹ واپاری رابطہ غاتے ودفنگ کن کاریم کے۔ پندار سفیر عراق اٹی پاکستانی کمیونٹی و زائر آتا آسراتی کن تینا کڑد ءِ اداکے۔ اوپارے کہ پاکستان و عراق نا نیام اٹ فضائی و بحری رابطہ غاتے ودفنگ نا گرج ءِ، پاکستان ڈیہہ نا ملک آتون رابطہ غاتے ودفنگ آ خاص چکار کننگ ءِ، اوپارے کہ پاکستان و عراق نا نیام اٹ دفاعی بشخ اٹی کمکاری ءِ سوگو کننگ نا گرج ءِ، پندار سفیر پاکستان و عراق نا نیام اٹ بڑزکو کہولی ہن و برتا مون آ دننگ آ کاریم کے۔