اسلام آباد۔ 19جولائی (اے پی پی) بنجائی وزیر امور کشمیر و گلگت بلتستان علی امین خان گنڈاپور پارینے کہ کشمیری الس نا پاکستان تون تعلقداری بے مٹءِ، ہشت لکھ بھارتی فوج کشمیری تا دا تعلقداری ءِ پرغنگ اٹ بے سہب مسنے۔ یوم الحاق پاکستان نا وخت آ تینا کلہواٹی اوپارے کہ بھارت نا غیر کانودی کوزہ گیری ٹی جموں و کشمیر نا ہرگلی ٹی نرزور، کشمیری پاکستان تون تینا تعلقداری نا درشانی کن سوز ہلالی بیرک ءِ چست کیرہ، نرزور کشمیریک تینا شہید آتے سوزہلالی بیرک اٹ جہہ جاگہ کیرہ۔ بنجائی وزیر امور کشمیرو گلگت بلتستان پارے کہ کشمیری تا پاکستان تون بے مٹ رشتہ وخت انا تدینگ انگ تون پین سوگو مسنے، اینو دا عزم انا ہم دے ارے کہ حق خودارادیت نا دوئی کننگ اسکان جہد برجاسلک۔ اوپارے کہ کشمیری الس اقوام متحدہ نا قرارداد آتا رداٹ تینا حق خودارادیت ءِ ہرحال اٹ ہلیک۔ کشمیری تا عزم و ہمت آ مچ آ پاکستانی قوم اوفتے سلام پیش کیک۔
