اسلام آباد۔ 19جولائی (اے پی پی) بنجائی وزیر حوالکاری وشینکاری چوہدری فواد حسین مودی حکومت نا کنڈآن سیاسی مخالف آتا فون ٹیپ کننگ نا خبرآتیا گڑتی نا درشانی ءِ کرسا پارینے کہ بھارتی حکومت صحافی، سیاسی مخالف وسیاست دان تا فون ءِ ٹیپ کننگ کن اسرائیلی سافٹ ویئرءِ کاریم اٹ اتنگ ءِ۔ دوشنبے نادے آ تینا ٹویٹ اٹی اوپارے کہ مودی حکومت نا غیر اخلاقی پالیسی تیان ڈیہہ نا امن ءِ بھاز خطرہ مون تروک مسنے و بھارت نا تہہ نا بشخینچ پین پیدوار مسنے۔
