اسلام آباد۔ 19جولائی (اے پی پی) اسپیکر قومی اسمبلی اسد قیصر و ڈپٹی اسپیکر قاسم خان سوری ئسک ڈی جی خان نا علاقہ تونسہ شریف اٹی بس و ٹرک اسے نا ڈوک لگنگ اٹ نہادی انسانی جون تا نسخان آ ڈکھ و است ہسونی نا درشانی ءِ کرینو۔ اسپیکرو ڈپٹی اسپیکر دوشنبے نادے آ تینا جتا جتا ہڑزخواہی بیان تے ٹی پدسلوک آ خاہوت آتون ہمدردی نا درشانی ءِ کرسا پاریر کہ او ڈکھ و غم انا داساہت اٹ اوفتے تون بریبرنا شریک ءُ۔ اوفک اللہ تعالیٰ آن ایماندارتا روح و غمزدہ خاہوت تے داناقابل تلافی نسخان ءِ سگنگ کن صبروجمیل عطاء کننگ کن دعاکریر۔ اسپیکر و ڈپٹی اسپیکر داشکست اٹی ٹھپی مروک آتا زوت دراخ جوڑی کن دعا و تعلقدار ادارہ غاتے ٹھپی مروک آتا گچین طبی آسراتی نا فراوانی نا پارت کریر۔
