ریاض۔ 19جولائی (اے پی پی) سعودی عرب نا محکمہ جان جوڑی پارینے کہ حج اٹی داتم اسکان کورونا دین انا اسہ کیس اس ہم مون آ بتنے۔ سعودی خبررساں ادارہ وزارت جان جوڑی نا ترجمان نا بابت پارے کہ کورونا دین انا سوب آن اینخوسال حج ءِ 60ہزار بندغ اسکان محدود کننگا و ویکسی نیشن ءِ المی گوندنگانے وخت اس کہ کورونا دین انا تالانی ءِ توننگ کن غٹ رکھی گام گیج آتیاعملدرآمد کننگ انگ ءِ۔ اوپارے کہ حاجی تے جان جوڑی نا خذمت فراوان کننگ کن اسپیشل فیلڈ ٹیم جوڑ کننگانے۔ دارداٹ حالیت آتیا پدریسہ نظرشاغنگ انگ ءِ، بے کچ کوشست ءِ کہ حج موسم ہردین آن رکھ مرے۔ اونا پاننگ ئس کہ جان جوڑی نا رکھ انا بابت ننا گام گیج آک است جم ءُ و جہانی برادری ہم اوفتا ستاءِ کرینے، دین آن بچنگ کن کروک آ بست وبند آتا بابت ہرادرجہ بندی ءِ کننگ انگ ءِ اوٹی سعودی عرب مون آٹے۔
