کوالالمپور۔ 19جولائی (اے پی پی) ملائیشیاٹی کورونا دین انا جم کیس آتا کچ 9لکھ آن گدرینگا۔ یک شنبے نادے آ ملائیشین وزارت جان جوڑی نا کنڈآن جاری کروک تازہ حساب وکتاب نا رداٹ تدوک آ 24گھنٹہ ٹی مچ آ ملک اٹی 12528پوسکن ءُ کیس رپورٹ مسنے اوکان پد ملک اٹی جم کیس آتا کچ 9لکھ آن گدرینگانے وخت اس کہ دین آن زہمی پین 138ناجوڑ دنیاءِ الانو اوکان پد ملک اٹی مرک آتا کچ 6866اسکان سرمسنے۔ وزارت جان جوڑی نا ڈائریکٹر جنرل نور ہشام عبداللہ تینا بیان اٹی پارے کہ پوسکن آ مون آ بروک آ 12528کیس آتیان 19کیس ایلوملک آتیان بسنے وخت اس کہ 12509ہندی کہول آ منتقل مسنے۔ اوپارے کہ ویکسی نیشن نا مثبت بھرم مون آ بننگ بناکرینے، الس ءِ مرے کہ او زوت آن زوت ویکسین خلفر تانکہ ہلوک آ دین انا مون ءِ توننگ مرے۔
